Rusiyanın sabiq prezidenti Dmitri Medvedev Rusiyanın Britaniya rəsmilərini məhv etmək “hüququndan” danışıb...
Poliqon xəbər verir ki, Rusiya Təhlükəsizlik Şurasının sədr müavini Dmitri Medvedev bu barədə özünün Twitter səhifəsində yazıb. Sabiq prezident bildirib ki, Böyük Britaniya Rusiyaya qarşı elan olunmamış müharibə aparır, ona görə də istənilən Britaniya rəsmisi Moskva üçün qanuni hərbi hədəfdir.
“Bu gün Böyük Britaniya Ukraynanın müttəfiqi kimi çıxış edir, ona texnika və mütəxəssislər şəklində hərbi yardım göstərir, yəni faktiki olaraq Rusiyaya qarşı elan olunmamış müharibə aparır”, deyə siyasətçi öz Twitter səhifəsində yazıb.
Medvedevin sözlərinə görə, bu halda istənilən Britaniya rəsmisi, istər hərbi, istərsə də mülki şəxs Rusiya tərəfindən qanuni hərbi hədəf kimi qəbul edilə bilər.
Həmçinin Medvedyev Böyük Britaniyanın Rusiyanın “əbədi düşməni” olduğunu qeyd edib.
Poliqon.info