Rusiya Qara dənizdə 65 kilometrlik Z simvolunun təsvirini yaratmaq üçün kommersiya gəmilərinin Avtomatik İdentifikasiya Sisteminin (AIS) məlumatlarına uzaqdan müdaxilə edib...
Poliqon xəbər verir ki, bu barədə Böyük Britaniyanın Müdafiə Nazirliyi öz kəşfiyyatına istinadən məlumat yayıb.
Rusiyanın bu addımını "Geollect"in 2023-cü il mayın 14-də apardığı təhlillər sübut edir.
"AIS gəmiləri izləmək, o cümlədən onların təhlükəsizliyini təmin etmək üçün istifadə olunur. Şəkildəki izlər gəminin 102 düyünə (188 km/saat) qədər sürətini göstərir ki, bu da onların saxtalaşdırıldığına işarədir", deyə bildirilir.
"AIS məlumatlarının saxtalaşdırılması dənizdə qəza riskini artırır. Rusiyanın Qara dənizdə virtual informasiya əməliyyatlarına baxmayaraq, donanması ilə vəziyyət həssas olaraq qalır: 2023-cü il mayın 24-də kəşfiyyat məlumatlarını toplayan "İvan Hurs" gəmisi hücuma məruz qalıb", deyə Britaniya kəşfiyyatı qeyd edib.
Qeyd edək ki, mayın 24-də "Posi" Telegram kanalı Türkiyə sahilləri yaxınlığında dəniz qüvvələrinə məxsus pilotsuz təyyarələrin Rusiyanın “İvan Hurs” kəşfiyyat gəmisinə hücum etdiyini bildirib.
Bundan sonra Krım körpüsünün bağlandığını elan edilib. Həmin gün Rusiya “Admiral Makarov” freqatını təcili olaraq Qara dənizə çıxarıb.
Poliqon.info