Kiyev Rusiya qazının Ukrayna ərazisindən tranzitini saxlamaq istəyir

Kiyev və “Naftoqaz Ukrainy” gəlir xatirinə Rusiya neft və qazının ölkə ərazisindən tranzitini saxlamağa çalışırlar.

Poliqon xəbər verir ki, bu barədə The Washington Post qəzeti yazır.

Nəşr yazır ki, “Naftoqaz” və yüksək səviyyəli siyasi liderlər, Ukrayna həm qazanc əldə etsin deyə, həm də Kiyevin avropalı tərəfdaşlarının bəziləri Rusiya nefti və qazından asılılığı davam etdiyi üçün boru kəmərlərinin bağlamamasına təkid edirlər.

Qəzetin yazdığına görə, Ukrayna tərəfi Rusiya ilə kommersiya sövdələşmələri ilə bağlı seçimin olmadığını israr edir, lakin Qərb ölkələrindən Moskvaya qarşı sanksiyaları sərtləşdirməyi tələb edir. Kiyevdə hesab edirlər ki, tranzaksiyaların qorunub saxlanılması bəzi infrastrukturları hava zərbələrindən mühafizə edəcək.

“Washington Post” Vladimir Zelenskinin ofisinin rəhbəri Andrey Yermak və ABŞ-ın Rusiyadakı keçmiş səfiri Maykl Makfolun başçılıq etdiyi anti-Rusiya sanksiyaları üzrə işçi qrupu Moskva ilə bağlı “fəaliyyət planı”nı dərc edib. Nəşrin məlumatına görə, bu tədbirlərə Rusiya resurslarının tranzitinin qorunub saxlanılması, həmçinin Rusiyanın nəzarətində olan bütün qalan boru kəmərləri marşrutlarının dayandırılması və Ukraynadan başqa Rusiya qazının Avropa İttifaqına birbaşa tədarükünün dayandırılması daxildir.

Poliqon.info