ABŞ Dövlət Departamenti Rusiya Federasiyasını taxıl müqaviləsi üzrə öhdəlikləri pozmaqda ittiham edib...
Poliqon xəbər verir ki, Dövlət Departamentinin sözçüsü Metyu Miller çərşənbə axşamı bildirib ki, Birləşmiş Ştatlar Rusiyanın Qara Dəniz Taxıl Təşəbbüsü üzrə öhdəliklərini yerinə yetirmədiyinə inanır.
“Tərəflər üç limandan Ukrayna taxılının maneəsiz ixracını təmin etmək barədə razılığa gəliblər. İndi Rusiya gəmiləri onlardan birinə buraxmaqdan imtina edir. Bu, Qara Dəniz Taxıl Təşəbbüsü üzrə öhdəliklərinin açıq şəkildə pozulmasıdır”, deyə Miller brifinq zamanı deyib.
Miller Rusiyanı “dünyanı ərzaq qıtlığından xilasetmə təşəbbüsünün normal fəaliyyətinə mane olmaqda davam etməkdə” günahlandırıb və ABŞ-ın Moskvanı qlobal ərzaq təchizatına müdaxiləni dayandırmağa çağırdığını qeyd edib.
Qeyd edək ki, daha əvvəl Rusiya prezidentinin mətbuat katibi Dmitri Peskov bildirmişdi ki, Aİ-nin Rosselxozbank-ı SWIFT-ə yenidən qoşmaq istəməməsi Qara dəniz təşəbbüsünün Rusiya hissəsinin həyata keçirilməsini çətinləşdirir.
Xatırladaq ki, “Taxıl müqaviləsi” 2022-ci il iyulun 22-də BMT, Rusiya, Türkiyə və Ukraynanın iştirakı ilə İstanbulda bağlanıb
Poliqon.info