Belarus Prezidenti Aleksandr Lukaşenko internetdə onun xəstəliyi ilə bağlı fərziyyələri şərh edərkən bu cür mülahizələrə son qoymağa çağırıb və ölməyə hazırlaşmadığını vurğulayıb.
“Report” BELTA-ya istinadən xəbər verir ki, bu barədə dövlət başçısı səhiyyənin aktual məsələlərinə dair müşavirədə danışıb.
Belarus Prezidenti adenovirusa yoluxduğunu açıqlayıb:
“Əgər kimsə mənim öləcəyimi düşünürsə, sakitləşsin. Sakit olun. Bu, messencerlərdə və teleqram kanallarında boş fikir yürütməkdən başqa bir şey deyil. Adenovirus ya nə idi onun adı? Adenovirus”.
O əlavə edib ki, iş qrafiki çox olduğundan müalicə olunmaq imkanı olmayıb və “hər şey üst-üstə yığılıb”.
“Ona görə də, uşaqlar, mən öləsi deyiləm. Siz hələ çox uzun müddət mənimlə əziyyət çəkəcəksiniz”, – Lukaşenko xəbərdarlıq edib.
Xatırladaq ki, Lukaşenko mayın 9-da Moskvaya səfər etdikdən sonra bir neçə gün ictimaiyyət qarşısına çıxmayıb.
Poliqon.info
Digərxəbərlər
Populyar xəbərlər
