Qərb analitikləri: Baxmutun işğalı Rusiya ordusunun Pirr qələbəsi ola bilər...

Baxmutun işğalı Rusiya ordusunun Pirr qələbəsi ola bilər. Şəhər üzərində nəzarəti saxlamaq üçün Moskva bura əlavə bölmələr köçürməli olacaq ki, bu da planlaşdırılmış əks-hücum zamanı Ukrayna Silahlı Qüvvələrinə qarşı Rusiya ordusunun müqavimət göstərmək qabiliyyətinə təsir edəcək.

Poliqon xəbər verir ki, bunu Qərb nəşrlərinə cəbhədəki hazırkı vəziyyəti dəyərləndirən hərbi analitiklər deyib.

Britaniya kəşfiyyatı şənbə günü Moskvanın Baxmutdakı qüvvələri gücləndirmək üçün bir neçə batalyona köçdüyünü bildirib.Kəşfiyyat qeyd edib ki, bu, on minlərlə kilometr uzunluğunda təmas xəttində Ukrayna Silahlı Qüvvələri ilə üz-üzə gəlməyə məcbur olan Rusiya qüvvələri üçün əhəmiyyətli rotasiyadır.

The New York Times qəzeti Ukrayna mənbələrinə istinadən yazır ki, Kiyev Rusiyanın Baxmutda möhkəmlənməsini mümkün qədər çətinləşdirməyi planlaşdırır və bunun üçün şəhər ərazisinə artilleriya zərbələri endirməkdə davam edir. Bundan əlavə, Kiyev şəhərin mühasirəyə alınması əməliyyatına başlayıb. Ukrayna Silahlı Qüvvələrinin quru qoşunlarının komandanı Aleksandr Sırski bazar günü yeni məqsədlərinini “şəhərin taktiki mühasirəsi” olacağını deyib. Eyni sözləri Ukrayna müdafiə nazirinin müavini Anna Malyar da vurğulayıb.

“Son həftələrdə Ukrayna Silahlı Qüvvələri şəhərin ətrafında, o cümlədən Kleşçeevka və İvanovskoye kəndləri ərazisində bir neçə onlarla kvadrat kilometr ərazini nəzarətə götürə bilib”, deyə The Washington Post qəzeti yazır. Baxmut ətrafındakı hücumda iştirak edən Ukrayna hərbçiləri The Washington Post-a bildiriblər ki, onlar rotasiyadan istifadə edə biliblər, bu zaman Baxmut şəhərətrafı ərazilərdəki “Vaqner qrupu” Rusiya hərbçiləri tərəfindən dəyişdirilib.

“Vaqner qrupu”nun bölmələri şəhərdən çıxarılsa, Baxmut bölgəsindəki rus qüvvələri daha da zəifləyəcək. Qeyd edək ki, şənbə günü “Vaqner qrupu”nun rəhbəri Yevgeni Priqojin onun döyüşçülərinin cümə axşamından şəhəri tərk etməyə başlayacağını bildirib. Müharibə Araşdırmaları İnstitutu (ISW) “Vaqner”in hazırkı tükənmiş vəziyyətdə hücum əməliyyatlarını davam etdirməsinin mümkün olmadığını deyir. “Baxmutun şimal və cənub cinahlarında yerləşən Müdafiə Nazirliyinin qüvvələri də çətin ki, yaxın gələcəkdə hücuma hazır olsun”, deyə analitiklər yazır.

Əgər Priqojin muzdluları şəhərdən çıxarmaq vədinə əməl etsə, o zaman ordunun hücum imkanları daha da azalacaq”, deyə ISW-nin hesabatında bildirilir.

Analitiklər bildiriblər ki, Moskva şəhərin müdafiəsi üçün əlavə qüvvələr göndərməyə davam edərsə, bu, Rusiya qoşunlarının Ukrayna ordusunun planlaşdırılmış əks-hücumunun qarşısını almaq qabiliyyətini zəiflədə bilər.

Hərbi-Dəniz Təhlili Mərkəzinin Rusiya üzrə tədqiqat direktoru Maykl Kofman The Wall Street Journal nəşrinə deyib ki, “Baxmut döyüşünün müharibəyə təsirini qiymətləndirmək hələ tezdir”. Qəzet qeyd edir ki, döyüşdə kimin qalib gəldiyinə cavabı Ukraynanın əks-hücumunun nəticələri göstərəcək və Ukrayna Silahlı Qüvvələrinin uğuru Kiyevin son aylarda Baxmutda dayanmasının əbəs yerə olmadığını isbatlayacaq.

Baxmutdakı Ukrayna bölməsinin komandiri, daha əvvəl şəhəi təslim etməyin tərəfdarı olan Ukrayna zabiti WSJ-yə aprel ayında fikrini dəyişdiyini söyləyib. Onun sözlərinə görə, son aylarda həlak olanların nisbəti Ukraynanın xeyrinə beşə birə dəyişib. “Onlar hücuma davam etdilər və biz də onları məhv etməyə davam etdi”, deyə zabit bildirib.

Xatırladaq ki, şənbə günü Priqojin Baxmutun “Vaqner”in muzdluları tərəfindənələ keçirildiyini bildirib. Bundan sonra Rusiya Müdafiə Nazirliyi də şəhərin işğalını elan etdi. Bazar günü gecə Vladimir Putin “Vaqner”in hücum dəstələrini, eləcə də onlara kömək edən bütün hərbçiləri şəhərin “azad edilməsi” münasibətilə təbrik edib.

Ukrayna rəsmiləri şəhərdə hələ də döyüşlərin davam etdiyini qeyd edərək, Rusiyanın Baxmutu ələ keçirdiyini rəsmən təsdiqləməyib.

Poliqon.info