Britaniya Rusiyadan almaz və metalların idxalını qadağan edəcək

Poliqon xəbər verir ki, bu barədə Böyük Britaniyanın baş naziri Rişi Sunakın ofisinin yaydığı bəyanatda deyilir.

“Biz bu ilin sonunda Rusiya almazlarının idxalını qanuni olaraq qadağan edəcəyik, bu ölkənin dəmir və poladına mövcud qadağalara əsaslanaraq, Rusiya mənşəli mis, alüminium və nikel idxalını tamamilə dayandıracağıq”, deyə sənəddə qeyd edilib.

Xatırladaq ki, 2022-ci ilin yazında London artıq Rusiyanın almaz hasilatı ilə məşğul olan “Alrosa” şirkətinə qarşı sanksiyalar tətbiq edib və Rusiya istehsalı olan brilyantlara əlavə 35% rüsum tətbiq edib. Rusiya Federasiyasından almaz, mis, nikel və alüminium idxalına qoyulan qadağaların qüvvəyə minmə tarixləri göstərilmir.

Bəyanatda həmçinin bildirilir ki, Böyük Britaniya 86 rusiyalı fiziki şəxsə və hərbi-sənaye kompleksinə və Rusiya Federasiyasının büdcəsini ixrac gəlirləri ilə təmin edən sektorlara aid şirkətlərə məhdudiyyətlər tətbiq edəcək: “Bu ticarət tədbirləri ilə yanaşı, hökumət hərbi-sənaye kompleksində, həmçinin enerji, metal və gəmiçilik kimi əsas gəlir mənbələri ilə əlaqəli 86 nəfər və şirkətləri hədəf alan yeni şəxsi sifarişlər hazırlayır”.

Sanksiyaya məruz qalacaq fiziki şəxslərin və şirkətlərin siyahısı açıqlanmır.

Poliqon.info