Böyük Britaniya Ukraynaya Sevastopol və Krım körpüsünü vura bilən raketlər verib

Poliqon xəbər verir ki, bu barədə CNN telekanalının məlumatında bildirilir. Kanal bir neçə yüksək rütbəli Qərb rəsmilərinə istinadən xəbər verir ki, 250 km-lik məsafə Ukraynanın nəzarətində olan ərazilərdən Sevastopol və Krım körpüsü ərazisindəki hədəflərə çatmaq üçün kifayət edə bilər.

ABŞ-ın yüksək rütbəli məmuru CNN-ə bildirib ki, bu raketlərin çatdırılması hücum məsafəsi baxımından Ukrayna üçün oyunu dəyişdirir. Mənbə qeyd edib ki. Bu raketlər Kiyevə müharibə başlayandan bəri istədiyi imkanları verir.

CNN-in mənbəsi qeyd edib ki, London Kiyevdən raketlərin yalnız Ukraynanın suveren ərazisində istifadə olunacağına və Rusiyanın dərinliklərinə doğru yönəlməyəcəyinə dair zəmanət alıb. Böyük Britaniya Krımı Ukrayna ərazisi olaraq tanıyır və təbii olaraq yarımadadakı hədəflərin vurulması London üçün legitim hədəf hesab olunur.

CNN qeyd edir ki, “Storm Shadow”un uçuş məsafəsi 250 km-dən çoxdur. Bu, onun Xersondan Sevastopola uçması üçün kifayətdir. Simferopol və Evpatoriya da onun fəaliyyət radiusunda olacaq.
Ukraynanın nəzarətində olan ən yaxın məntəqədən Krım körpüsünə qədər olan məsafə təxminən 257 km-dir.

“Storm Shadow” qanadlı raketləri çatdırılmazdan əvvəl Ukrayna 80 km-ə qədər məsafədə hücumlar həyata keçirə bilirdi. Buna GMLRS raketləri və Amerikanın HIMARS qurğuları imkan verirdi.

Qeyd edək ki, bu Britaniyanın Ukraynaya qarşı ilk belə jesti deyil. Yanvarın 14-də Böyük Britaniyanın baş naziri Rişi Sunak Qərb ölkələri arasında ilk olaraq Ukraynanı müasir “Challenger 2” tankları ilə təmin edəcəyinə söz verdi.11 gün sonra, yanvarın 25-də ABŞ prezidenti Co Bayden Ukrayna Silahlı Qüvvələrinə “Abrams” tanklarının tədarük edildiyini açıqladı. Həmin gün Almaniya hökumətinin sözçüsü Steffen Hebestreit Almaniyanın Ukraynaya “Leopard 2” tankları tədarük edəcəyini açıqladı.

2022-ci ilin oktyabr ayından Ukrayna ABŞ-dan 300 km-ə qədər mənzilli ATACMS ballistik raketlərini tədarük etməyi xahiş edir.

Poliqon.info