Respublikaçılar Partiyasının elektratı arasında ABŞ-ın keçmiş prezidenti Donald Tramp Florida qubernatoru Ron DeSantis üzərindəki üstünlüyünü xeyli artırıb…
Poliqon xəbər verir ki, bu barədə Fox News telekanalı keçirdiyi yeni sorğuya əsasən məlumat yayıb.
Respublikaçı seçicilərə 2024-cü il namizədliyi üçün elan edilmiş və potensial namizədlərdən ibarət 15 nəfərlik siyahı təklif edilib. Respondentlərin 54%-nin seçimi Tramp olub, Ron DeSantis isə 24% səslə ikinci olub. Bu, keçən aya nisbətən Trampın əsas rəqibi üzərində ciddi üstünlüyə sahib olmasından xəbər verir.
Sorğuya əsasən keçmiş vitse-prezident Mayk Pens 6%, Vayominqin keçmiş nümayəndəsi Liz Çeyni və Cənubi Karolinanın keçmiş qubernatoru Nikki Heyli 3% səs toplayıb.
Fox News qeyd edir ki, Trampın anketlərdə artan üstünlüyü keçmiş prezidentin 2016-cı ildə porno aktrisa Stormi Danielsə 130.000 dollarlıq susqunluq ödəməsi ilə bağlı potensial ittiham aktı ilə bağlı xəbərlər fonunda baş verir.
Poliqon.info