Pentaqon: Baxmut ruslar üçün “qəssabxanaya” çevrilib...

Poliqon xəbər verir ki, Mark Milli şəhərin ələ keçirilməsi planının ruslar üçün “qırğına” çevrildiyini bildirib.

“Ukraynalılar ərazinin çox təsirli müdafiəsini həyata keçirirlər və aparılan döyüşlər nəticəsində məlum oldu ki, bu, Rusiya ordusuna üçün çox baha başa gəlir. Son 20-21 gün ərzində Rusiya Baxmut və onun ətrafında heç bir irəliləyiş əldə etməyib”, deyə Milli qey edib.

ABŞ Baş Qərgah rəisinin sözlərinə görə, 36 minə qədər “Vaqner”çi Baxmuta hücumda iştirak edib. Bunlardan 6 mini muzdlu, qalanları könüllülərdir, onların çoxu həbsxanalardan cəbhəyə gəliblər.

“Deməli, ruslar üçün bu, qırğındır. Baxmut ətrafında onları əzirlər və ukraynalılar çox yaxşı döyüşür”, deyə Milli Rusiya qüvvələrinin böyük itkilər verdiyini vurğulayıb.

Qeyd edək ki, Priqojin çərşənbə günü mətbuat xidmətinin teleqram kanalında bildirib ki, Baxmut uğrunda döyüş “artıq Ukrayna ordusunu demək olar ki, məhv edib. Eyni zamanda o, təəssüf hissi ilə qeyd edib ki, “Vaqner qrupu” kifayət qədər ağır itkilər verib.

Xatırladaq ki, “Vaqner qrupu” Baxmuta hücum edən rus qüvvələrinin əsasını təşkil edir. Bu həftə Rusiya KİV-ləri “Vaqner”çilərin şəhərin şimalındakı AZOM sənaye kompleksini ələ keçirdiklərini yazıb. Müharibənin Araşdırmalarıİnstitutunun analitikləri belə qənaətə gəliblər ki, ÖHŞ həqiqətən zavoda nəzarəti ələ keçirə bilər və şəhər daxilində öz mövqelərini möhkəmləndirməkdə davam edir. Bununla belə, Britaniya kəşfiyyatı hesab edir ki, şəhərin bu ərazisi hələ də hər iki tərəfin nəzarətindən tamamilə kənarda olan boz zonadır.

Millinin bəyanatı Vaşinqtonda Ukrayna ordusunun Baxmutdakı hərəkətlərinə münasibətin dəyişməsindən xəbər verə bilər. Çünki fevralın ortalarında bəzi ABŞ rəsmiləri Baxmutun müdafiəsinin davam etdirilməsinin planlaşdırılan yaz hücumuna mənfi təsir göstərə biləcəyindən narahat olduqlarını bildiriblər.

Poliqon.info