Ukrayna Rusiyanın Belarusda nüvə silahı yerləşdirmək planlarına görə BMT Təhlükəsizlik Şurasının iclasının çağırılmasını tələb edib...
Ukrayna Rusiyanın Belarusda taktiki nüvə silahı yerləşdirmək niyyətini müzakirə etmək üçün BMT Təhlükəsizlik Şurasının növbədənkənar iclasının çağırılmasını tələb edib.
Poliqon xəbər verir ki, bu barədə Ukrayna Xarici İşlər Nazirliyinin bəyanatında deyilir.
Xarici İşlər Nazirliyi Rusiyanın bəyanatını nüvə qarşısının alınması sahəsində beynəlxalq təhlükəsizlik sisteminə xələl gətirən “təxribat xarakterli addım” adlandırıb.
“Bu cür niyyətlər bütün dünya ictimaiyyətini xüsusi narahat etməyə bilməz”, deyə nazirliyin bəyanatında deyilir.
Ukrayna Xarici İşlər Nazirliyi Böyük Britaniya, Çin, ABŞ və Fransanı “Kremlin nüvə şantajına qarşı” addımlar atmağa çağırıb. Bundan əlavə, agentlik G7-nin üzvü olan ölkələri və Aİ-ni Belarus hakimiyyətinə Rusiyanın taktiki nüvə silahlarını öz ərazisində yerləşdirməyə razılıq verəcəyi təqdirdə Belarus üçün nəticələr barədə xəbərdarlıq etməyə çağırıb.
Nazirlik həmçinin Belarus vətəndaşlarına müraciət edərək, Belarus ərazisində nüvə silahının yerləşdirilməsinin qarşısını almağa çağırıb.
Poliqon.info