İsrailin baş naziri Benyamin Netanyahu martın 26-da Yoav Qalantı müdafiə naziri vəzifəsindən kənarlaşdırıb...
Poliqon.info xəbər verir ki, bu barədə The Jerusalem Post qəzeti məlumat yayıb.
Məlumatda qeyd olunur ki, Yoav Qalant dünən bəyanatla çıxış edərək Baş nazir Netanyahunu kompromis əldə etmək və rəqiblərlə danışıqlarda iştirak etmək üçün kifayət qədər uzun müddətə məhkəmə islahatlarını dayandırmağa çağırıb.
Cavabında isə Baş nazir Netanyahu Qallanta hökumətin arxasından hərəkət etdiyinə görə Qallanta inamını itirdiyini deyib.
Qeyd edək ki, İsraildə ilin əvvəlindən etirazlar davam edir. Onlar Benyamin Netanyahunun yeni hökumətinə və onun Knessetə (İsrailin qanunverici orqanı) məhkəmə sistemi üzərində daha çox nəzarəti təmin edəcək məhkəmə islahatlarına qarşıdırlar. Qanun layihəsi təsdiqlənərsə, Knesset qanunlar və hökumət qərarları ilə bağlı Ali Məhkəmənin qərarlarını ləğv etmək və hakimləri təyin etmək səlahiyyətinə malik olacaq.
Martın 25-də İsraildə məhkəmə islahatlarına qarşı etirazların təşkilatçıları bildiriblər ki, ümummilli mitinqlərdə 630 minə yaxın adam iştirak edib, onlardan 300 mini Tel-Əvivdəki əsas nümayişdə olub.
Təl-Əvivdə Ayalon şossesini bağlayan izdihamı dağıtmağa çalışarkən. Polis su şırnaqlarından istifadə edib. 40-dan çox adam saxlanılıb.
Poliqon.info