İranda zəlzələ nəticəsində yaralananların sayı 165-ə çatıb...
APA xəbər verir ki, bu barədə yerli media məlumat yayıb.
Xatırladaq ki, bu gün səhər İranda 5,3 bal gücündə zəlzələ qeydə alınıb.
Təbii fəlakətin episentri İranın Xoy şəhərindən 35 km cənubda (əhali sayı təxminən 175 min nəfər) yerləşib.
Yeraltı təkanlar Naxçıvan Muxtar Respublikası və Türkiyənin sərhəd ərazilərində də hiss olunub.
***
İranda baş verən zəlzələdən sonra Naxçıvan Muxtar Respublikası ərazisində hər hansı dağıntı və ya itki qeydə alınmayıb.
Poliqon.info xəbər verir ki, bu barədə Naxçıvan MR Fövqəladə Hallar Nazirliyi məlumat yayıb.
Qeyd edək ki, İranın Qərbi Azərbaycan vilayətinin Xoy şəhəri bölgəsində 5,6 maqnitudalı zəlzələ olub. Hadisə Bakı vaxtı ilə 07:16-da qeydə alınıb.
Zəlzələ Naxçıvan MR-də 3-4 bala qədər hiss olunub.
Poliqon.info