Türkiyədə keçirilən prezident seçkilərində müxalifət qalib gəlsə, Ankara NATO-nun üzvü olduğunu Moskvaya xatırladacaq...
Poliqon.info xəbər verir ki, bunu Türkiyə müxalifətinin vahid namizədi Kamal Kılıçdaroğlunun müşaviri Ünal Çeviköz Politico qəzetinə verdiyi müsahibəsində deyib.
Çeviköz Türkiyənin Rusiya ilə Ukrayna arasında vasitəçi rolunu davam etdirəcəyini, lakin Kılıçdaroğlu hakimiyyətə gələrsə, Türkiyənin Rusiya ilə bərabərhüquqlu münasibətlər qurmağa çalışacağını bildirib.
“Rusiya ilə danışıqlarda biz, şübhəsiz ki, bərabərhüquqlu münasibətlərə can atacağıq. Amma Türkiyənin NATO-nun üzvü olduğunu Rusiyaya da xatırladacağıq”, deyə Çeviköz bildirib.
Onun sözlərinə görə, Ankara İsveç və Finlandiyanın NATO-ya daxil olmasına da mane olmayacaq.
Xatırladaq ki, mayın 14-ü ölkədə prezident və parlament seçkiləri keçiriləcək. Hazırkı prezident Rəcəb Tayyib Ərdoğanın əsas rəqibi CHP lideri Kamal Kılıçdaroğlu olacaq. O, müxalif Xalq Alyansından yeganə namizəddir.
Poliqon.info
Digərxəbərlər
Populyar xəbərlər
