Danimarka Moskvanın “Şimal axını” və “Şimal axını 2” qaz kəmərlərində baş verən partlayışlarla bağlı araşdırmalarda iştirakına icazə vermək niyyətində deyil...
Poliqon.info Danimarkanın The Local nəşrinə əsasən xəbər verir ki, bu açıqlama ilə Danimarkanın xarici işlər naziri Lars Lökke Rasmussen çıxış edib.
Nazir qeyd edib ki, Danimarka, İsveç və Almaniyada qanunun aliliyi fəaliyyət göstərir. Ona görə də hər kəs bu ölkələrin apardığı araşdırmalara etibar edə bilər.
“Biz ruslara hərtərəfli araşdırma aparacağımızı dedik”, deyə Danimarka XİN rəhbəri bildirib. Onun sözlərinə görə, tədqiqatın nəticələrini ölkə hakimiyyəti elan edəcək.
Qeyd edək ki, fevral ayında Rusiya BMT Təhlükəsizlik Şurasına “Şimal axını”nın zədələnməsinin araşdırılmasına dair qətnamə layihəsi təqdim edib. Sənəddə təxribatı müstəqil araşdırmaq üçün beynəlxalq komissiyanın yaradılmasından bəhs edilir.
Qaz kəmərlərində təxribat 2022-ci il sentyabrın sonunda baş verib. Danimarka və İsveçin ərazi sularında dörd böyük qaz sızması nöqtəsi aşkar edilib və məlum olub ki, dənizin dibindən keçən qaz kəmərləri partladılıb.
Poliqon.info