2023-cü ilin fevralında Yaponiya Rusiyadan Qərb ölkələri tərəfindən müəyyən edilmiş tavan həddindən yüksək qiymətə neft alıb...
Poliqon.info xəbər verir ki, bu barədə TASS Agentliyi məlumat yayıb. Agentlik yazır ki, Yaponiya bir barel üçün 68,5 dollar ödəyib.
TASS" öz məlumatında Yaponiya Maliyyə Nazirliyinin statistikasına əsaslanıb. Müvafiq məlumatlar ictimaiyyətə açıqdır.
Bu statistikaya görə, 2023-cü ilin fevralında Yaponiya Rusiyadan təxminən 232,7 min barel neft alıb. Onun ümumi dəyəri təxminən 15,945 milyon dollar olub. Məhz bu partiyada alqı-satqı bir barel üçün 68,52 dollar olub.
Qeyd edək ki, Yaponiyanın da daxil olan "Böyük yeddilik" ölkələri Avstraliya və Avropa İttifaqı ilə birlikdə 2022-ci ilin dekabrından Rusiya neftinin bir barelinin qiymətinin 60 dollar səviyyəsində olacağı barədə razılıq əldə ediblər. Məhdudiyyətlər Rusiyadan dəniz yolu ilə daşınan xam neftə aiddir.
TASS Yaponiyanın Rusiya neftini dəniz yolu ilə daşınan “tavan” qiymətindən yuxarı alıb-almadığını göstərmir. Eyni zamanda, nəşr qeyd edir ki, Tokio "Saxalin-2" layihəsi çərçivəsində hasil olunan nefti sanksiyalardan kənarlaşdırıb.
Poliqon.info
Digərxəbərlər
Populyar xəbərlər
