Apple şirkəti iPhone telefonlarının qiymətlərini artırıb…

Poliqon.info xarici mətbuata əsasən xəbər verir ki, bu barədə tanınmış insayder Ceff Pu-ya istinadən WccfTech nəşri məlumat yayıb.

Xəbərdə qeyd olunur ki, bu, ABŞ-da Apple smartfonlarının qiymətlərinin son 5 ildə ilk dəfə dəyişməsidir. Bundan əvvəl Apple sonuncu dəfə iPhone X-in buraxıldığı ildə qiyməti artırmışdı. Bu dəfə isə qiymət artımı həm Pro, həm də Pro Max modellərinə təsir edəcək.

iPhone 15 Pro və Pro Max-ın hansı qiymətə olacağı barədə isə məlumat verilmir. Bununla belə, qiymət etiketinin ən azı 50 dollar artacağı gözlənilir. Beləliklə, böyük ehtimalla iPhone 15 Pro-nun ən ucuz versiyası 1049 dollara başa gələcək.

İnsayder iddia edir ki, 2023-cü ildə iPhone-nun bahalaşmasının səbəblərindən biri də Apple-in əvvəlki nəsil smartfonlar üçün komponentlərdən daha baha başa gələn yeni materialların istifadəsi olacaq.

Poliqon.info