Tərəflərin etirazı olmadığı təqdirdə “taxıl müqaviləsi” avtomatik uzadılacaq...
Rusiya, Ukrayna və ya BMT-nin etirazı olmasa, taxıl müqaviləsi martın 18-dən sonra avtomatik olaraq uzadıla bilər...
Poliqon.info xəbər verir ki, bu barədə TASS Agentliyi məlumat yayıb. Agentlik saziş ətrafında aparılan danışıqların təfərrüatları ilə tanış olan mənbəyə istinadən xəbər verib.
TASS-ın mənbəsinin sözlərinə görə, sövdələşmənin xüsusi uzadılması tələb olunmur və saziş indiki rejimdə, dəyişiklik və əlavələr olmadan fəaliyyətini davam etdirəcək. Bu halda razılaşmaların nə qədər uzadılmasının fərqi yoxdur. Saziş avtomatik 60 və ya 120 gün uzana bilər.
TASS bildirir ki, sövdələşmənin müddəti 60 gün uzadılacaqsa, o zaman saziş martın 18-dən sonra fəaliyyətini davam etdirəcək və 60 gündən sonra tərəflərdən biri onun ləğvi ilə bağlı məsələ qaldıra bilər.
Mənbə əlavə edib ki, nə Rusiya, nə Ukrayna, nə də BMT-dən sazişdən çıxmaq barədə heç bir açıqlama verilməyib.
Poliqon.info