Vladimir Zelenskinin Britaniya səfəri fonunda Rişi Sunakın rus işğalçılarına qarşı mübarizədə Ukraynaya gələcək dəstəyi ilə bağlı bir sıra açıqlamalar verəcəyi gözlənilir...
Poliqon.info BBC-ə istinadən xəbər verir ki, bu gün Ukrayna Prezidenti Vladimir Zelenski Böyük Britaniyaya səfər edib. Rusiya işğalının bir ilində bu, onun ABŞ-a səfərindən sonra ikinci xarici səfəridir və prezident olduğu müddət ərzində İngiltərəyə ilk səfəridir.
Ukrayna prezidenti Vladimir Zelenski fevralın 8-də Böyük Britaniyaya edəcəyi səfər zamanı baş nazir Rişi Sunakın rus işğalçılarına qarşı mübarizədə Ukraynaya gələcək dəstəyi ilə bağlı bir sıra açıqlamalar verəcəyi gözlənilir.
Sunak Ukraynaya uzun mənzilli silahların verilməsini elan edəcək. Hesab olunur ki, bu, Rusiyanın kritik infrastruktura hücum etmək imkanından məhrum edəcək.
Bundan əlavə, “The Guardian” yazır ki, Britaniyanın baş naziri yeni sanksiyaları da açıqlamalıdır. Bu sanksiyalar xüsusilə Putinin şəxsi sərvətini yaratmağa kömək edənlərə və Kremlin döyüş maşınından qazanc əldə edən şirkətlərə aid olacaq.
Polqon.info