Washington Post: Britaniya siyasi çəkisi olmayan ada dövlətinə çevrilib

PİA.az xəbər verir ki, bu barədə The Washington Post qəzetinin köşə yazarı Fərid Zəkəriyyə yazıb.

Müəllifin fikrincə, fevralın əvvəli Böyük Britaniyanın Aİ-dən yekun çıxışının 3-cü ildönümünü qeyd etdi və bu, BVF-nin “boz” hökmü ilə üst-üstə düşdü: bu il Britaniya iqtisadiyyatı hətta Rusiya da daxil olmaqla dünyanın bütün əsas iqtisadiyyatlarından daha pis göstəricilərə sahib olacaq.

Zəkəriyyə qeyd edib ki, 2016-cı ildə keçirilən səsvermədə britaniyalı seçicilər millətçilik və siyasəti iqtisadiyyatdan üstün tutublar. Həmçinin, sərmayədən tutmuş ixraca, məşğulluq bazarına kimi demək olar ki, hər bir göstəricidə Birləşmiş Krallıq rəqiblərindən geri qalır, ölkə çıxılmaz vəziyyətdədir, deyə köşə yazarı yazır.

Zəkəriyyənin qiymətləndirməsinə görə, Brexit Böyük Britaniyanın “düşməsi”nin daha geniş prosesinin bir hissəsi oldu. 2008-ci il qlobal maliyyə böhranı nəticəsində krallıqdakı vəziyyət qənaət siyasəti ilə daha da ağırlaşdı, lakin keçmiş baş nazir Boris Conson çətin günlərin başlanmasında asanlıqla əcnəbiləri günahlandırdı və Brexit vasitəsilə bütün problemləri “müalicə edəcəyini” vəd etdi. Ammabu elə vəd olaraq da qaldı.

pia.az