İqtisadçı Roubini 10 il ərzində dolların ehtiyat valyuta kimi iflas edəcəyini açıqlayıb…
2008-ci il böhranını proqnozlaşdıran iqtisadçı Nouriel Roubini hesab edir ki, 10 il ərzində dollar dünyanın ehtiyat valyutası olmaqdan çıxacaq.
PİA.az xəbər verir ki, bu barədə Financial Times məlumat yayıb. Ekspert FT-yə bildirib ki, bu, ABŞ və Çin arasında geosiyasi qarşıdurma fonunda baş verəcək.
İqtisadçı vurğulayıb ki, Vaşinqton və Pekin arasında artan geosiyasi rəqabət qaçılmaz olaraq qlobal ehtiyat valyutanın ikiqütblü vəziyyətində hiss olunacaq.
Roubini həmçinin qeyd edib ki, mövcud sistem Amerika iqtisadiyyatının daxili şəraiti səbəbindən inkişaf etməkdə olan bazar dövlətlərinə mane olur. Gələcək dəyişikliyə misal olaraq o, dekabr ayında Çinin Səudiyyə Ərəbistanı ilə ilk yuan əməliyyatını keçişini göstərib.
pia.az