Rusiyanın Ukraynada böyük hücumu 10 gün ərzində başlaya bilər…

PİA.az xəbər verir ki, ukraynalı hərbi ekspert Financial Times qəzetinə Kiyevin bu barədə “çox etibarlı məlumat” aldığını bildirib. Ekspert bu hücumun 10 gün ərzində baş verə biləcəyini qeyd edib. Mənbə onu da əlavə edib ki, Rusiya bu hücumda elit hərbi birləşməlrindən istifadə edəcək.

“Biz bu məlumatlara çox ciddi yanaşırıq. Rusiya Hava Desant Qüvvələrinin və Dəniz Piyadaları Korpusunun hissələrini gücləndirib. Onu da bilirk ki, sözü gedən elit qruplar tam hazırlıqlı olmasalar da və döyüş qabiliyyəti bir il əvvəl olduğundan aşağı olsa da, bu qüvvələr mexaniləşdirilmiş birləşmələrdir”, deyə mənbə Financial Times-a bildirib.

Nəşrin məlumatında qeyd edilir ki, son zamanlar Ukrayna Baş Qərargahı şərq və cənub-şərq istiqamətində Rusiya qüvvələrinin əhəmiyyətli dərəcədə artdığını müşahidə edirlər.

Analitiklər hesab edirlər ki, Rusiyanın yeni hücumu üçün ehtimal olunan istiqaməti Luqansk vilayətinin qərb hissəsi, yəni Kremennaya və Liman məntəqələridir. Qeyd edək ki, bu iki şəhər ötən ilin payızında Ukrayna qüvvələri tərəfindən əks-hücum nəticəsində geri alınıb.

Financial Times həmçinin Qərb mənbələrinə istinadən xəbər verir ki, Rusiya həftələrdir Luqansk istiqamatində qoşun toplayır. Moskva həmçinin Donetsk vilayətinin cənubunda öz mövqelərini gücləndirir. Əlavə qüvvələr işğal olunmuş Mariupol ətrafındakı kəndlərə yerləşdirilir.

pia.az