Asiya-Sakit okean regionunda NATO-Çin qarşıdurması…

PİA.az xarici mətbuata əsasən xəbər verir ki, Mao Ninq bunu NATO-nun baş katibi Yens Stoltenberqin Yaponiyaya səfəri zamanı verdiyi açıqlamanı şərh edərkən deyib.

Qeyd edək ki, Stoltenberq Yaponiyada bildirib ki, NATO Çindən gələn təhlükəsizlik təhdidlərinə cavab olaraq “vahid və möhkəm qalmalıdır”. O əlavə edib ki, “bu gün Avropada baş verənlər sabah Şərqi Asiyada baş verə bilər”.

Buna cavab olraq Çin Xarici İşlər Nazirliyindən bildirilib ki, Pekin NATO ilə bağlı məsələlərdə öz mövqeyini dəfələrlə bəyan edib. Regional müdafiə ittifaqı rolunu iddia edən NATO daim öz müdafiə zonasından və əhatə dairəsindən kənara çıxmağa, uydurma “Çin təhdidinə” əsaslanaraq Asiya-Sakit okean regionu ölkələri ilə hərbi təhlükəsizlik əlaqələrini gücləndirməyə çalışır. Bu cür hərəkətlər isə region ölkələrindən sayıqlıq tələb edir.

Çin Xarici İşlər Nazirliyinin nümayəndəsi vurğulayıb ki, Çin həmişə regional və qlobal sülh və sabitliyin müdafiəçisi olub.

“Qaynar məsələlərdə biz sülh danışıqlarını fəal şəkildə təşviq etdik və gərginliyin azaldılmasına çalışdıq. NATO Avropada təhlükəsizliyin təmin edilməsində oynadığı rol barədə diqqətlə düşünməlidir”, deyə Mao Ninq bildirib.

"Asiya-Sakit Okean regionu geosiyasi rəqabət meydanı deyil və Soyuq Müharibə zehniyyətini və blok qarşıdurmasını alqışlamır" deyə Çin Xarici İşlər Nazirliyinin sözcüsü fikrini yekunlaşdırıb.

pia.az