Türkiyə Xarici İşlər Nazirliyinin rəhbəri İsveçin NATO-ya daxil olmasına münasibətini açıqlayıb…
PİA.az xarici mətbuata istinadən xəbər verir ki, Xarici işlər naziri Mövlud Çavuşoğlu fevralın 1-də macar həmkarı ilə danışıqlardan sonra keçirilən mətbuat konfransında bildirib ki, İsveç və Finlandiyanın öhdəliklərini yerinə yetirməsələr, NATO-ya üzvlüyü ilə bağlı protokolun ratifikasiyası olmayacaq.
Nazir İsveç parlamentinin rəhbərinin Türkiyəyə gəldiyini xatırladıb. Siyasətçi parlamentdə olub, partiyalarla görüşüb. Bütün tərəflər ona bildiriblər ki, İsveç öz öhdəliklərini yerinə yetirmədən protokolu ratifikasiya etmək mümkün olmayacaq.
“Ona görə də indiki şəraitdə bu sənədin təsdiqindən danışmağa dəyməz”, deyə Çavuşoğlu vurğulayıb. Eyni zamanda o, qeyd edib ki, söhbət İsveçin müraciətindən gedir, Türkiyə Finlandiya müraciətini təsdiqləyə bilər. Lakin NATO hər iki ölkənin üzvlük prosesini paralel aparmaq istəyir və İsveç və Finlandiya da bunu istəyir.
Xatırladaq ki, 2022-ci ilin mayında İsveç və Finlandiya NATO-ya üzv olmaq üçün müraciət ediblər.
Ankaranın əsas tələbi kürd terroçularına dəstəyi dayandırmaq və Türkiyənin tələb etdiyi PKK üzvlərini ekstradisiya etməkdir.
pia.az