Yanvarın 31-də Somali, Keniya, Efiopiya və Cibutinin müdafiə nazirləri terrorla mübarizədə birgə səylər barədə danışıqlar aparıblar…
PİA.az xəbər verir ki, bu barədə Anadolu Agentliyinin məlumatında bildirilir.
Somalinin İnformasiya naziri Daud Aveys deyib ki, toplantı regional antiterror səylərini artırmaq üçün həlledici mahiyyət daşıyır.
Aveys jurnalistlərə deyib ki, Somali bütün cəbhələrdə “Əl-Şəbab” terrorçularına qarşı müharibə aparır və onun ölkəsi regionda sabitlikdə maraqlı olan digər ölkələri də bu işə cəlb etmək qərarına gəlib.
Somalidə keçirilən müdafiə nazirlərinin bu görüşü 2007-ci ildən bəri ilk dəfə Afrika İttifaqının missiyasının ölkəyə göndərilməsi ilə əlamətdar olub.
Müzakirələrdə nazirlərlə yanaşı, Somali, Keniya, Efiopiya və Cibutidən olan yüksək səviyyəli hərbi komandirlər də iştirak edib.
Bildirilir ki, çərşənbə günü dörd ölkənin dövlət başçıları danışıqlar üçün Somalinin paytaxtı Moqadişoda görüşəcək.
pia.az