Pentaqon rəhbəri billdirib ki, ABŞ Cənubi Koreyanı qorumaq üçün həm nüvə, həm də adi silahlardan istifadə etməyə hazırdır...
PİA.az xarici mətbuata istinadən xəbər verir ki, bu barədə Pentaqonun rəhbəri Lloyd Ostin Seulda keçirdiyi mətbuat konfransında bildirib.
Pentaqon rəhbəri Vaşinqtonun Cənubi Koreyanı qorumaq öhdəliyinin sarsılmaz olduğunu vurğulayıb.
“Birləşmiş Ştatlar adi və nüvə silahları, eləcə də raket əleyhinə müdafiə sistemləri də daxil olmaqla, bütün hərbi imkanlardan istifadəni nəzərdə tutan nüvə qarşısının alınması öhdəliyinə sadiqdir”, deyə Lloyd Ostin jurnalistlərə bildirib.
Pentaqon rəhbəri həmçinin qeyd edib ki, Şimali Koreya son bir ildə “görünməmiş sayda təxribatlar” törədib. Eyni zamanda Cənubi Koreyada 28,5 min Amerika hərbi qulluqçuları xidmət edir və Vaşinqton Koreya yarımadasında sülhü qorumaq niyyətindədir.
Ostin həmçinin qeyd edib ki, Cənubi Koreya və ABŞ 2023-cü ildə birgə təlimlərin miqyasını genişləndirmək qərarına gəlib.
pia.az
Digərxəbərlər
Populyar xəbərlər
