Rusiya ilə Belarus hərbçilərinin birgə təlimi başlayıb

Belarus Respublikası Silahlı Qüvvələri Regional Qoşunlar Qrupunun (RQQ) Birgə Komandanlığının qərargahı yanvarın 31-də təlimə başlayıb.

“Report” TASS-a istinadən xəbər verir ki, məlumatı Belarusun Müdafiə Nazirliyi yayıb.

Bildirilib ki, Belarus və Rusiya hərbçiləri İttifaq dövlətinin hərbi təhlükəsizliyini təmin etmək məqsədi ilə RQQ-dən istifadə üzrə qərar qəbul etməyə dair tapşırıqları yerinə yetirəcək.

Təlim bir həftə sürəcək. Məlumata görə, “İttifaq dövlətinin hərbi təhlükəsizliyinin təmin edilməsi maraqları naminə qoşunların (qüvvələrin) regional qruplaşmalarından istifadə edilməsinə dair qərarların qəbulu" mövzusunda son illərin silahlı münaqişələri təcrübəsinə əsaslanaraq qoşunların imkanlarından birgə istifadənin mesajı da verilir.

Bildirilib ki, bu, "İttifaq Qalxanı - 2023" birgə əməliyyat təliminə hazırlığın növbəti mərhələsidir. Məlumata görə, növbəti təlimlər 2023-cü ilin sentyabrında Rusiya ərazisində keçiriləcək.

2022-ci il oktyabrın 10-da Belarus Prezidenti Aleksandr Lukaşenko Moskva ilə razılaşmalar çərçivəsində Belarus hərbi personalı əsasında regional qoşun qruplaşmasının formalaşmasına başlandığını elan edib. Ötən il dekabrın 19-da Rusiya Prezidenti Vladimir Putin Minskə səfəri zamanı bu istiqamətdə əməkdaşlığın davam edəcəyini bildirmişdi.

pia.az