Politico: Kremlin “maşası” Azərbaycan və Ermənistan arasında sülh prosesini pozur…

ABŞ-da dərc olunan alman nəşri: “Rusiyadan olan milyarder Qarabağın erməni icmasının ictimai rəyini sülhün əleyhinə yönləndirir ki, bu da həm Bakının, həm də İrəvanın maraqlarına öldürücü təsir göstərir”.

PİA.az xəbər verir ki, ABŞ-da nəşr olunan Politico qəzeti Qarabağdakı vəziyyətlə bağlı məqalə dərc edib.

Azərbaycan və Ermənistan ötən ilin sentyabrına qədər sülh sazişinin imzalanmasına yaxın idilər. Lakin Rusiyanın atdığı addımlar, o cümlədən Ruben Vardanyanın Qarabağa göndərilməsi hər iki ölkəni sülh prosesindən kifayət qədər uzaqlaşdırıb.

Politico yazır ki, bütün cəhdlərə rəğmən Rusiya Azərbayca və Ermənistan arasında sülhü əngəlləməyə çalışır:

“Avropa Siyasi Birliyinin sammitində Ermənistanın baş naziri Paşinyan və Azərbaycan prezidenti Əliyev bir-birinin ərazi bütövlüyünü və suverenliyini tanıdıqlarını təsdiqlədikdə, sülh həmişəkindən daha mümkün və yaxın görünürdü. Həmin ana qədər Ermənistan rəhbərliyi heç vaxt Qarabağı Azərbaycanın suveren ərazisi kimi tanımırdı. Sülh üçün qapılar hələ bağlanmasa da, indi qarşıda yeni bir maneə dayanır və bu mane Rusiya tərəfindən dəstəklənir”, deyə məqalədə bildirilir.

Nəşr dekabrın 12-dən bəri Şuşada qanunsuz təbii ehtiyyatların istismarına qarşı azərbaycanlı ekoloji fəalların davam edən aksiyasını Vardanyanın Moskvadan Qarabağa köçməsi ilə əlaqələndirib. Qeyd edilir ki, məhz Vardanyanın Qarabağın qızıl mədənlərini qanunsuz istismar etməsi ekofəallar tərəfindən Xankəndi-Yeravan yolunun bağlamanmasına səbəb olub.

Politico qeyd edir ki, Rusiyadan olan milyarder Qarabağın erməni icmasının ictimai rəyini sülhün əleyhinə yönləndirir ki, bu da həm Bakının, həm də İrəvanın maraqlarına öldürücü təsir gətirir.

“Vardanyan bölgədə sülhü əngəlləyən əsas faktora çevrilib və bunun üçün o, Rusiyanın ona tanıdığı imkanlardan geniş yararlanır”, deyə məqalədə vurgulanır.

Məqalənin müəllifi Vardanyanla Putin arasında mövcud olan əlaqədən də yazıb:

“Vardanyanın Moskvada yaxşı əlaqələri var. Bütün rusiyalı oliqarxlar Putinin mərhəmətindən asılı olaraq hərəkət edirlər və bu səbəbdən Vardanyanın Kremlin adamı olduğuna şübhə ola bilməz. Bu Ukraynanın Vardanyana qarşı sanksiya tətbiq etməsindən də açıqca görünür”, Politico yazır.

pia.az