Ukraynada itkin düşənlərin sayı açıqlanıb

Ukrayna Prezidentinin hərbi qulluqçuların hüquqlarının müdafiəsi üzrə ombudsmanı Alyona Verbitskaya 15 min nəfərin itkin düşdüyünü bildirib.

PİA.az xəbər verir ki, ombudsman Bloomberg-ə müsahibəsində bildirib. Verbitskaya qeyd edib ki, itkin düşənlərin bəzilərin mülki şəxslərdir.

“Biz itkin düşən mülki şəxslərin başına nə gəldiyini bilmirik”, deyə ombudsman bildirib. Verbitskaya deyir ki, onlar Rusiyada hərbi əsir kimi saxlanıla bilərlər, ya da Rusiyaya təxliyyə edilə bilərlər. Lakin ombudsman onların öldürülməsi də istisna etməyib.

Alyona Verbitskaya həmçinin hərbi əsirlər məsələsində Rusiya nümayəndələri ilə çox zəif münasibətlərin olduğunu qeyd edib və bundan təəssüfləndiyini bildirib.

pia.az