Sankt-Peterburqda MDB liderlərinə hədiyyə edilən “Güc üzükləri”…

PİA.az “Kommersant” qəzetinə istinadən xəbər verir ki, Rusiya prezidentinin mətbuat katibi Dmitri Peskov bildirib ki, Sankt-Peterburqda keçirilən qeyri-rəsmi görüşdə MDB ölkələrinin liderlərinə təqdim olunan üzüklər sadəcə olaraq yeni il suvenirləridir. Onun sözlərinə görə, Rusiya prezidenti Vladimir Putin üzüyü taxmayacaq.

“Üzüklərə diqqət yetirməyə ehtiyac yoxdur, bu, sadəcə olaraq bir Yeni il suveniridir, orada xüsusi bir şey yoxdur”, deyə Peskov mətbuat konfransında bildirib.

Qeyd edək ki, dekabrın 26-da Belarus prezidenti Aleksandr Lukaşenkonun fəaliyyətini işıqlandıran “Пул первого” telegram kanalının sammitdən foto dərc edib. Fotoda Belarus liderinin barmağında üzük olan əlinin yaxından planı əks olunub. Üzüyün üzərində “Yeni iliniz mübarək 2023” yazısı, həmçinin MDB ölkələrinin gerbi təsvir olunub.

Daha sonra teleqram kanalı yazıb ki, Rusiya tərəfi üzükləri Birlik ölkələrinin bütün liderlərinə hədiyyə edib. “Kommersant”ın xüsusi müxbiri Andrey Kolesnikov MDB ölkələrinin digər nümayəndələrinin üzük taxmadığını bildirib.

pia.az