Hafiz Hacıyevin doğum günüdür

Bu barədə Müasir Müsavat Partiyasının sədr müavini Könül İsmayılova paylaşım edib.

Paylaşımda deyilir:

Bu gün Müasir Müsavat Partiyasının sədri Hafiz Hacıyevin doğum günüdür. Partiyanın bütün üzvləri adından ayrı-ayrılıqda Hafiz bəyi təbrik edirik. Ona ən xoş arzularımızı bildiririk. Hafiz bəyə xoşbəxtlik, cansağlığı və xalqımıza göstərdiyi fəaliyyətində yeni uğurlar diləyirik.

Bu günə qədər partiya sədri olaraq Hafiz bəy çox uğurlara imza atıb. Partiya sədrləri içərisində öz dəsti-xətti ilə seçilən insan olmağı bacarıb. Yeni yaşınızda da sizə hər bir təşəbbüsünüzdə səmərəli nəticələr əldə etməyi arzu edirik. Hafiz bəy çıxdığı bu çətin yolda heç bir zaman yorulmadı. Onun yorulmaz əməyi sayəsində də bu gün Müasir Müsavat Partiyası daha da genişlənir və siyasi arenada öz sözünü deməyi bacarır.

Hafiz bəy istedadlı və əzmkar bir partiya sədri kimi Azərbaycanın firavanlığı və çiçəklənməsi, ölkənin dünya siyasi arenasında nüfuzunun və təsirinin möhkəmlənməsi üçün hər zaman əlindən gələn bütün işləri görüb. O, ölkəmizin siyasi, iqtisadi, sosial və başqa sahələrində baş verən hadisələrə ilk və obyektiv münasibət bildirənlərdən olub.

Hafiz bəyə işlərində uğurlar arzulayırıq. Bütün niyyət və istəklərinin uğurla həyata keçməsini diləyirik.

pia.az