İsrailin baş naziri Benyamin Netanyahunun kabinetində ölkə boyu baş verən kütləvi nümayişlər başlayandan sonra məhkəmə islahatları ilə bağlı fövqəladə iclas keçirib...
Poliqon xəbər verir ki, bu barədə İsrailin Aruts Sheva nəşri məlumat yayıb. Nəşr yazır ki, iclasdan sonra İsrail cəmiyyətində siyasi parçalanmaya səbəb olan məhkəmə islahatının dayandırılıb-dayanmayacağı hələlik bəlli deyil. Baş nazirin xalq qarşısında çıxış edəcəyi gözlənilir.
Likud rəsmiləri Netanyahunun qanun layihəsinin dayandırılmasını elan edə biləcəyi ehtimalının olduğunu desələr də, ədliyyə naziri Yariv Levin məhkəmə islahatlarının dayandırılmasına qarşı olduğunu bildirib. Bildirilir ki, “Shas” və “Yahadut HaTorah” partiyaları qanunun geri çəkilməsini dəstəkləyəcək, lakin Netanyahu hələlik yekun qərar verməyib.
“Otzma Yehudit” Partiyası isə məhkəmə islahatlarını dəstəklədiyini elan edib.
“Biz baş nazir Benyamin Netanyahu və ədliyyə naziri Yariv Levini islahatları davam etdirmək istəyində dəstəkləyirik. Haqqındoğru yoldan imtina edib zorakılığa boyun əymək səlahiyyəti yoxdur. Fəaliyyət hüququ bizə səs verən seçicilərin səsi ilə verilir”, deyə partiyadan verilən bəyanatda deyilir.
Poliqon.info
Digərxəbərlər
Populyar xəbərlər
