Ermənistan XİN rəhbəri bildirib ki, Ermənistan 1975-ci il xəritəsinə uyğun delimitasiyanı və ərazi bütövlüyünün qarşılıqlı tanınmasını qəbul edir...
Ermənistan-Azərbaycan sərhədinin delimitasiyası üçün hansı xəritədən istifadə edilməsi ilə bağlı yekun razılaşma yoxdur. Lakin Azərbaycan prezidenti İlham Əliyevin Kişinyovdakı son müşavirədə 1975-ci ilin xəritəsi ilə bağlı heç bir etirazı olmayıb.
Poliqon “Sputnik Armeniya”ya istinadən xəbər verir ki, bunu Ermənistanın xarici işlər naziri Ararat Mirzoyan parlamentdə 2022-ci il dövlət büdcəsinin icrası haqqında hesabatın müzakirəsi zamanı deyib.
Qeyd edək ki, bu gün əvvəl Azərbaycan Xarici İşlər Nazirliyi bəyan edib ki, Bakı ilə İrəvan arasında konkret xəritə əsasında Ermənistan-Azərbaycan sərhədinin delimitasiyası ilə bağlı heç bir razılaşma yoxdur.
“Bu işlərin 2022-ci il oktyabrın 6-da Praqa görüşündə tərəflərin razılaşdırdığı Alma-Ata Bəyannaməsinə uyğun olaraq həyata keçirilməsi öhdəlikləri var, lakin konkret xəritə üzərində heç bir razılaşma yoxdur”, deyə Mirzoyan Azərbaycan XİN-in bu günkü bəyanatını şərh edərkən deyib.
Nazirin sözlərinə görə Azərbaycan prezidenti 1975-ci ilin xəritələrindən istifadəyə etiraz etməyib. O, qeyd edib ki, bu xəritə ətrafında həm beynəlxalq ictimaiyyət, həm də Ermənistan tərəfindən anlaşma var.
“Ermənistanın 1975-ci il xəritələrinə görə hər iki ölkənin ərazi bütövlüyünü tanıması və bunun əsasında delimitasiya işlərinə başlaması məqbuldur”, deyə Mirzoyan vurğulayıb.
Poliqon.info
Digərxəbərlər
Populyar xəbərlər
