Liz Trass yenidən siyasətə qayıtmağa cəhd edəcək

Böyük Britaniyanın keçmiş baş naziri Liz Trass 2025-ci ilin yanvarından gec olmayaraq keçiriləcək növbəti ümumi seçkilərdə yenidən parlamentə namizədliyini irəli sürməyi planlaşdırır.

PİA.az xəbər verir ki, bu barədə “The Sun” tabloidinə Trassın nümayəndəsi məlumat verib.

Liz Trassın yenidən parlamentə üzv olmaq niyyəti bəzi mühafizəkar deputatların növbəti seçkilərdə iştirak etməmək baedə verikləri açıqlamalardan sonra ortaya çıxıb. “The Sun” qeyd edir ki, hazırha Mühafizəkar Partiya rəy sorğularında itirdiyi mğvqelərini bərpa etməyə çalışır. Belə bir bəyanatla keçmiş səhiyyə naziri Sacid Cavid də çıxış edib.

Eyni zamanda Independent nəşri də Trassın nümayəndəsinə istinadən xəbər verir ki, sabiq Baş nazir parlamentdə öz fəaliyyətini aktiv şəkildə davam etdirmək istəyir. Express qəzeti isə yazıb ki, Liz Trass bu barədə rəsmi bəyanat verməyəcək.

Liz Trass 2010-cu ildən Britaniya parlamentində Cənub-Qərbi Norfloku təmsil edir. Bu il isə o, 44 gün müddətində Baş nazir olub və bununla da ən qısa müddətdə Britaniya Baş naziri olan siyasətçi kimi rekorda imza atıb. Trassın istefası mühafizəkarlar Partiyası daxilində baş verən narazılıqlar fonunda baş verib.

pia.az