Ramzan Kadırov Ukraynadan sonra Rusiyanın Polşaya hücum edəcəyini istisna etmir...
Çeçenistanın rəhbəri Ramzan Kadırov Ukraynadakı “xüsusi əməliyyat”ın uğurla başa çatacağı təqdirdə Rusiya Polşanın “denasifikasiyası” və “demilitarizasiyası”na keçərsə, nə baş verəcəyi sualına cavab tapmağa çalışıb.
PİA.az xəbər verir ki, Çeçenistan lideri ABŞ prezidenti Co Baydenin səfərindən sonra Varşavanın Vaşinqtondan əlavə silah almaq fikrində olması ilə bağlı məlumatlara özünün Telegram kanalında münasibət bildirib.
“Ukraynaya dəstək çərçivəsində Varşava öz hərbi resurslarını tükətməyə müvəffəq oldu və indi çaşqınlıq içindədir. Bəs “xüsusi əməliyyat” uğurla başa çatdıqdan sonra Rusiya növbəti ölkəni denasifikasiya və demilitarizasiya etməyə başlasa nə olacq? Şəxsən mənim belə bir niyyətim olduğunu gizlətməyəcəyəm. Görünür ki, polyaklar da bunu vaxtında anlamağa başlayıblar”, deyə Kadırov yazıb.
pia.az