Netanyahunun qərarından sonra həmkarlar ittifaqları İsraildə tətili dayandırıb...
İsrailin Ümumi Əmək Federasiyasının sədri ümumi tətilin başa çatdığını elan edib.
Poliqon xəbər verir ki, bu barədə İsrailin dövlət radiostansiyası “Kan” bildirib. İsrailin “Histadrut” Ümumi Əmək Federasiyasının sədri Arnon Bar-David martın 27-də başlayan ümumi tətilin başa çatdığını elan edib. Qərar baş nazir Benyamin Netanyahu hökumətin məhkəmə islahatlarının təsdiqini dayandıracağını elan etdikdən sonra qəbul edilib.
Öz növbəsində, "Yedioth Ahronoth" qəzetinin məlumatına görə, “Histadrut”un qərarından sonra aeroport işçiləri komitəsi dərhal tətili dayandırdığını elan edib. Ben Qurion hava limanında vəziyyət normallaşır, hava limanı normal rejimdə işləyir. Səhiyyə sistemində də tətil ləğv edilib.
Qeyd edək ki, martın 27-də axşam saatlarında Benyamin Netanyahu milli təhlükəsizlik naziri İtamar Ben-Qvir ilə razılaşma əldə edərək məhkəmə islahatları haqqında qanunun qəbulunu təxirə salıb. Qanunun qəbulu İsrail parlamentinin növbəti iclasında təxirə salınacaq.
Poliqon.info