On minlərlə məhbusun taleyini İranın lideri müəyyənləşdirəcək…
İranın ali dini lideri Ayətullah Əli Xamenei İslam inqilabının ildönümü şərəfinə hökumət əleyhinə mitinqlərdə iştirak etməkdə təqsirli bilinənlər də daxil olmaqla, “on minlərlə” məhbusu əfv edəcək və ya onların cəzasını yüngülləşdirəcək.
PİA.az xarici mətbuata əsasən xəbər verir ki, İran lideri ölkədə baş verən son hadisələr zamanı həbs edilən on minlərlə təqsirləndirilən şəxsin əfv edilməsi və ya cəzasının azaldılması ilə bağlı məhkəmə hakimiyyətinin başçısı Qulam Hüseyn Möhseni-Ejeinin təklifini bəyənib.
Lakin amnistiya bütün kateqoriyalardan olan məhbuslara şamil edilmir. Buraya adam öldürməkdə təqsirli bilinən, habelə dövlət əmlakını məhv edən, zədələyən və ya yandıran şəxslər daxil deyil.
Bundan əlavə, əfv casusluq fəaliyyəti ilə məşğul olan və ya digər dövlətlərin xüsusi xidmət orqanlarında işləyən şəxslərə şamil edilməyəcək.
pia.az