İran rəsmisi: Rusiya 12 günlük müharibə zamanı İsrailə kəşfiyyat məlumatları ötürüb...

İranın Məsləhət Şurasının üzvü Səid Məhəmməd Sədr bildirib k7, iyunda baş verən 12 günlük İran-İsrail müharibəsi zamanı Rusiya İsrailə İranın hava hücumundan müdafiə sistemlərinin yerləşdiyi yerlərlə bağlı kəşfiyyat məlumatları təqdim edib.

Poliqon xəbər verir ki, Sədr bu barədə "Synergyir" kanalına müsahibəsində bildirib.

"Baş verənlər göstərdi ki, Moskva ilə strateji ittifaq faydasızdır. Rusiya sadəcə İsrailin İrana hücumunu bəyənmədiyini dedi, amma əslində ona yardım göstərdi", deyə İranlı rəsmi bildirib.

Sədr əlavə edib ki, Moskvanın digər ölkələrlə münasibətləri də eyni nümunəni göstərir.

"Məsələn, Türkiyə NATO üzvüdür. NATO nədir? Rusiyanın əleyhinə qurum. Amma Rusiya Türkiyəyə S-400 satmağa razı oldu. Bu, uzun müddət danışdığımız strateji tərəfdaşlıqdan tamamilə uzaqdır", deyə İranın Məsləhət Şurasının üzvü vurğulayıb.

Sədr Moskva ilə münasibətlərin davam etməsinin vacibliyini vurğulasa da, Rusiyaya etibar edilməməli olduğunu qeyd edib.

Poliqon.info