Bill Qeyts mal-qaranın qazını azaltmağa və gəyirməyə həsr olunmuş bir startapa sərmayə qoyub...
PİA.az xəbər verir ki, bu barədə Business Insider nəşrinin məlumatında bildirilir.
Nəşr xəbər verir ki, Bill Qeytsin təsis etdiyi "Breakthrough Energy Ventures" şirkəti Avstraliyanın "Rumin8" firması üçün 12 milyon dollarlıq başlanğıc sərmayə qoyub. "Rumin8" inəklər üçün dəniz yosunu əsasında xüsusi yem hazırlayan Avstraliyanın Pert şəhərində yerləşən startap firmadır. Firmanın hazırladığı yem inəklərin qaz hasilatını azaldır.
Bildirilir ki, həzm prosesinin əlavə məhsulu olan metan karbon qazından sonra ən çox yayılmış istixana qazıdır. İqlimşünasların fikrincə, planeti təhdid edən iqlim dəyişikliyinin əsas səbəblərindən biri məhz istixana qazlarıdır.
ABŞ Ətraf Mühitin Mühafizəsi Agentliyinin məlumatına görə, metan Yer atmosferində istiliyi karbon qazından 25 dəfə çox saxlayır. Hazırda qlobal istixana qazı emissiyalarının təxminən 15%-ni heyvandarlıq təşkil edir.
"Artıq yeni üsulla mal əti istehsal edən şirkətlər var və insanlar hələ də inəklərdən istifadə edirlər, lakin metan emissiyalarını da azaldırlar", deyə Bill Qeyts startap haqqında deyib.
pia.az
Digərxəbərlər
Populyar xəbərlər
