Hindistanda qatil və quldur ev tutuquşunun ifadəsi sayəsində saxlanılıb...
Poliqon xəbər verir ki, bu barədə İndia Today nəşri məlumat yayıb. Nəşr yazır ki, Hindistanda qarət etməyə gələn və evin sahibəsini öldürən iki şəxsə haqqında doqquz il sonra hökm verilib. Cinayətkarları ifşa etməyə ev tutuquşusu kömək edib.
Cinayət 2014-cü ildə Aqra şəhərində törədilib. Həmin zaman yerli qəzetin baş redaktoru oğlu və qızı ilə birlikdə başqa bir şəhərə toy üçün gedib. Geri qayıtdıqdan sonra arvadını və itini öldürülmüş, evini soyulmuş görüb.
Evdə olan tutuquşu yemək və sudan imtina etməyə başladığı üçün, quş sahibi ev heyvanının qətlin şahidi ola biləcəyini ehtimal edib.
Ev sahibi cinayətdə iştirak edə biləcək insanların adlarını tutuquşunun yanında sadalamağa başlayıb. Sahibinin qardaşı oğlunun adını eşidən tutuquşu qışqırmağa və qəfəsdə fırlanmağa başladı. Polislərin ziyarəti zamanı quş oxşar reaksiya göstərib.
Nəticədə şübhəli şəxs saxlanılıb. Ev sahibinin qardaşı oğlunun dostu ilə birlikdə soyğunçuluq etdiyini etiraf edib. Cinayətkar tez-tez əmisinin evində olub və pul ilə zinət əşyalarının harada saxlandığını bilib.
Məhkəmə hər iki cinayətkarı ömürlük həbs cəzasına məhkum edib.
Poliqon.info