Qurum sübutların toplanmasını Aİ və Ukrayna prokurorları ilə birlikdə əlaqələndirəcək….
Avropa İttifaqı Haaqada Rusiyanın Ukraynaya təcavüzü cinayətini təqib edəcək beynəlxalq mərkəz yaratmağı planlaşdırır.
PİA.az CNN-ə istinadən xəbər verir ki, bu məlumatı Avropa Komissiyasının prezidenti Ursula fon der Leyen Ukrayna rəhbəri Vladimir Zelenski ilə birgə mətbuat konfransı zamanı təsdiqləyib.
“Rusiya dəhşətli cinayətlərə görə məhkəmə qarşısında cavab verməlidir. Ukrayna və Aİ prokurorları artıq birgə işləyirlər. Biz sübutlar toplayırıq və ilk addım olaraq Ukraynada hərbi cinayətləri təqib etmək üçün Haaqada beynəlxalq mərkəzin yaradılacağını elan etməkdən məmnunam”, deyə fon der Leyen bildirib.
Avropa Komissiyasının prezidenti izah edib ki, qurum Eurojust-un dəstəklədiyi birgə istintaq qrupunun işi ilə öz səylərini birləşdirdikdən sonra sübutların toplanmasını əlaqələndirəcək.
CNN qeyd edib ki, Birləşmiş Millətlər Təşkilatının sənədonə görə, təcavüz bir dövlətin digər dövlətin suverenliyinə, ərazi bütövlüyünə və ya siyasi müstəqilliyinə qarşı və ya BMT Nizamnaməsinə zidd olan hər hansı digər şəkildə silahlı qüvvədən istifadə etməsidir.
pia.az
Digərxəbərlər
Populyar xəbərlər
