Ermənistan və Çexiya hərbi-texniki əməkdaşlığı gücləndirəcək

Ermənistan və Çexiya hərbi-texniki əməkdaşlığı gücləndirəcək.

Poliqon erməni mətbuatına əsasən xəbər verir ki, müvafiq dövlətlərarası sazişin ratifikasiyası haqqında layihəErmənistan hökumətinin iclasında təsdiq edilib. Hələ ratifikasiya olunmamış saziş 9 aprel 2019-cu ildə imzalanıb və əvvəlki 10 mart 2010-cu il tarixli sazişi əvəz etməlidir.

Sazişin ratifikasiyası iki ölkə arasında hərbi-texniki sahədə əməkdaşlığın inkişafı və dərinləşməsi üçün hüquqi baza yaradır. Sənəd təhsil müəssisələrində mütəxəssis və texniki kadrların hazırlanması sahəsində əməkdaşlığı nəzərdə tutur.

Ermənistan-Çexiya iqtisadi əməkdaşlığı üzrə hökumətlərarası komissiya çərçivəsində hərbi-texniki əməkdaşlıq üzrə işçi qrupu yaradılmalıdır. Görüşlərin keçirilmə tarixləri, qayda və prosedurları hər iki tərəfin səlahiyyətli orqanları tərəfindən müəyyən ediləcək.

Hökumət hesab edir ki, sazişin ratifikasiyası Ermənistan Respublikasının strateji maraqlarına tam uyğundur və onun həyata keçirilməsi hərbi-texniki sahədə beynəlxalq əməkdaşlığı genişləndirməyə imkan verəcək.

Hökumət tərəfindən təsdiqləndikdən sonra saziş Ermənistan parlamenti tərəfindən ratifikasiya edilməlidir.

Poliqon.info