Walt Disney şirkəti 7000 əməkdaşını ixtisar etmək prosesinə başlayır...
Poliqon xəbər verir ki, bu barədə Reuters Agentliyi məlumat yayıb. Agentlik bildirir ki, bazar ertəsi, martın 27-də şirkətin baş direktoru Bob İqer məlumat təsdiqləyib. İxtisar iki dalğada baş verəcək və 2023-cü ilin yayına qədər tamamlanacaq.
Disney CEO, şirkətin yaxın dörd gün ərzində ilk işçi qrupuna ixtisarlar barədə bildiriş verməyə başlayacağını söyləyib. Bir neçə min insanın işdən çıxarılacağı kinci, daha böyük ixtisar dalğası apreldə başlayacaq. Dəyişikliklər Disney Entertainment və Disney Parks, Experiences və Products kimi böyük bölmələrə təsir edəcək.
Disney-dəki kütləvi ixtisarlar xərclərin 5,5 milyard dollar azaldılması planı əsasında həyata keçirilir.
Qeyd edək ki, fevral ayında Disney-in baş direktoru kütləvi ixtisarlar və şirkətin üç bölməyə bölünməsi haqqında məlumat vermişdi. Birinci bölmə kino və televiziya üçün əyləncə məzmunu ilə məşğul olacaq. İkincisi idman proqramlarına cavabdeh olacaq, üçüncüsü isə əyləncə parklarını, mal və kruiz gəmilərini idarə edəcək.
Xatırladaq ki, Walt Disney Company kino və əyləncə sənayesində ən böyük media korporasiyalarından biridir.
Poliqon.info