Türklər Charlie Hebdo jurnalına zəlzələ karikaturasına görə qəzəbləniblər…
Fransanın Charlie Hebdo jurnalının zəlzələ karikaturası Türkiyədə qəzəb doğurub.
Poliqon.info Türkiyənin Haber7 nəşrinə istinadən xəbər verir ki, Fransanın Charlie Hebdo yumor jurnalının Türkiyədə və Suriya da baş verən zəlzələ ilə bağlı karikaturası sosial mediada əks reaksiya doğurub.
Dərc edilmiş rəsmdə dağılmış evlər, aşmış avtomobil göstərilir. Karikaturanın üzərində “Türkiyədə zəlzələ. Hətta tank göndərməyə ehtiyac yoxdur” yazısı var.
Türkiyə prezidentinin rəsmi nümayəndəsi İbrahim Kalın fransız nəşrinə Twitter-də münasibət bildirərərək yazıb: “Müasir barbarlar! Öz qəzəbinizdə və nifrətinizdə boğulun”.
Bir çox sosial media istifadəçisi də Charlie Hebdo jurnalının bu qeyri-insani davranışına qəzəblə reaksiya verib.
Mehmet adlı istifadəçi qeyd edib ki, Quran yandıranlardan insanlıq gözləmək olmaz.
Müzakirə iştirakçısı Fatma adlı birisi isə yazıb ki, türklər fransızlara eyni şeyi arzulamır, çünki günahsız insanlara yazığı gəlir, insanlıqlarını itirməyiblər. Başqa bir sosoial şəbəkə istifadəçisi jurnalı “Çirkli köpək sürüsü” adlandırıb.
Cevat adlı istifadəçi isə “Almanlar sizi bir həftəyə işğal etdi. Bizə bir gün bəs edir”, deyə əlavə edib.
Poliqon.info
Digərxəbərlər
Populyar xəbərlər
