Goldman Sachs üçüncü rübdə neft qiymətlərinin 100 dollardan artıq olacağını proqnozlaşdırıb…
PİA.az xəbər verir ki, bu barədə Bloomberg Agentliyinin məlumatında bildirilib.
Goldman Sachs 2023-cü ilin üçüncü rübündə Brent markalı neftin qiymətinin 100 dollar/barelə qədər artacağını proqnozlaşdırıb. Amerika investisiya bankının eksperti Bloomberg-ə müsahibəsində bildirib ki, Çinin sərt anti-COVID məhdudiyyətlərindən imtina etməsi səbəbindən neft qiymətləri indiki səviyyələrdən 10%-dən çox artacaq.
Ekspertin fikrincə, Çin iqtisadiyyatının yenidən açılması bu ölkədə neftə tələbatı sutkada 1,6 milyon barelə çatdırracaq. Eyni zamanda, sənayeyə kifayət qədər investisiya qoyulmaması səbəbindən bazarda təklifin həcmi artmayacaq.
“Biz neft bazarının hər hansı ardıcıl tələb artımına hazır olduğunu düşünmürük, çünki təklif bu il həqiqətən artmayacaq”, deyə Goldman Sachs Nihil Bhandari bildirib.
Ekspertin fikrincə, Çin iqtisadiyyatının açılması neftə tələbatın sutkada 1,6 milyon barel artmasına gətirib çıxaracaq, halbuki hazırda dünya gündə təxminən 100 milyon barel neft istehlak edir. Bhandari qeyd edib ki, bu, xüsusilə sənayenin son bir neçə ildə xroniki sərmayə qoyuluşu səbəbindən təklif artımının olmaması nəzərə alınmaqla əhəmiyyətli bir artımdır.
Ekspert həmçinin vurğulayıb ki, OPEC bazarda neft tədarükünün həcminə nəzarət etməklə qiymətləri 80 dollar/barel və daha yüksək səviyyədə saxlayacaq.
pia.az
Digərxəbərlər
Populyar xəbərlər
