“Bu dəhşətlidir” - Kral ailəsinin qalmaqalları sirrləri…

Şahzadə Diana ilə Kral III Çarlzın 90-cı illərin sonlarında səs-küylü boşanmasının yeni təfərrüatları məlum olub.

PİA.az xəbər verir ki, bu barədə The New York Post qəzetinin məqaləsində bildirilir.

Şahzadə Diananın dostlarına yazdığı 32 məktub artıq hərraca çıxarılıb.

Şahzadə Uilyam və Şahzadə Harrinin anasının dostlarına göndərdiyi gizli məktublar onun Britaniya monarxından “çirkin” boşanmasını təfərrüatlandıran ayrılığın nə qədər ağrılı olduğunu göstərir.

Şahzadə Diananın dostları Susie və Tarek Kasemə yazdığı 32 məktub indi hərraca çıxarılıb. Hərracdan əldə olunan gəlir şahzadə Diananın sağlığında dəstəklədiyi müxtəlif xeyriyyə təşkilatlarına bağışlanacaq.

Kasem cütlüyü təxminən 111.000 dollara satılacağı təxmin edilən məktubları 16 fevral 2023-cü ildə Lay's Auctioneers hərracına qoydular.

28 aprel 1996-cı il tarixli satılacaq məktublardan biri kraliça II Yelizavetanın böyük oğlunun keçmiş sevgilisinin çətin münasibətləri zamanı keçirdiyi hissləri təsvir edir.

“Mənim üçün çox çətindir və təzyiqlər ciddidir və hər tərəfdən gəlir. Bəzən başını dik tutmaq çox çətindir və bu gün diz çökmüşəm. Sadəcə bu boşanmanın bitməsini istəyirəm, çünki qiymət böyükdür”, deyə şahzadə daha sonra yazdı.

Bu məktubdab iki ay əvvəl Diana kraliyyət mənsubu olan ərindən boşanmağa razılaşdığını bildirib.

Bundan başqa şahzadə Diana telefonunun dinlənildiyini də bildirib.

20 may 1996-cı ildə şahzadə Çarlzın o vaxtkı arvadı dostuna yazırdı: "Mənim mobil telefonum olmadığına görə, şəxsi problemlərimi burda yaza bilmirəm. Çünki bütün yazışmalarım oxunur və ondan sonar göndərilir”.

“Əgər bir il əvvəl bu boşanmaya görə nələrə dözməli olacağımı bilsəydim, heç vaxt razılaşmazdım. Bu, çıxılmaz və dəhşətlidir”, deyə Diana məktubda yazır.

pia.az