Britaniyanın Daily Mail qəzetinin jurnalisti Pol Braun bildirib ki, heç bir Avropa komandası Rusiya millisi ilə yoldaşlıq oyunu keçirməyə razı olmayacaq...
Poliqon xəbər verir ki, bu barədə “RB Sport” nəşri məlumat yayıb.
“Rusiya millisi ilə Avropa yığması arasında yoldaşlıq oyunu mümkündürmü? Xeyr, bu mümkün deyil. Rusiya futbol dünyasından kənarda qalıb, indiki şəraitdə heç kim ruslarla yoldaşlıq oyunu keçirməyə razı olmayacaq”, deyə “RB Sport” jurnalistdən sitat gətirib.
Xatırladaq ki, 2022-ci ilin yazında Beynəlxalq Futbol Federasiyası (FİFA) və UEFA Rusiya millisini, eləcə də bütün Rusiya klublarını bu qurumların nəzarətində olan yarışlarda iştirakdan kənarlaşdırmaq qərar verib.
İyun ayında Rusiya millisinin Mərkəzi Asiya Futbol Assosiasiyasının (CAFA) çempionatında iştirakı mümkün ola bilər.
Poliqon.info
Digərxəbərlər
Populyar xəbərlər
