Yens Stoltenberq İsveçin iyul ayına qədər NATO üzvlüyünə nail olmaq istədiyini bildirib…
NATO-nun baş katibi Yens Stoltenberq İsveçin Alyans üzvlüyünü təsdiqləmək üçün “çox çalışacağını” bildirib. Baş katibin fikrincə İsveç, Türkiyə seçkilərindən sonra blokun üzvlüyünə yaşıl işıq yandıra bilər.
Poliqon.info xəbər verir ki, bu barədə martın 31-də Politico nəşri məlumat yayıb.
“Mənim məqsədim hələ də Türkiyə seçkilərindən sonra, iyulda Vilnüsdəki zirvə görüşünə qədər İsveçin üzvlüyünü təsdiqləməkdir”, deyə Stoltenberq qeyd edib.
Eyni zamanda NATO-nun Baş katibi son qərarın Türkiyə hakimiyyətindən asılı olduğunu vurğulayıb. Stoltenberg Finlandiyanın Alyans üzvlüyünə dair protokolun təsdiq edilməsi barədə Türkiyə parlamentinin qərarını alqışlayıb. Səsvermə 31 mart gecəsi keçirilib.
Qeyd edək ki, İsveç və Finlandiya 2022-ci ilin may ayında ittifaqa qoşulmaq üçünmüraciət ediblər.
Poliqon.info