“Bu səhv Gülənin sonu ola bilər”

“Gülən hərəkatı və medaisı uydurma erməni soyqırımına dəstək verərsə, bu, sadəcə onların sonunu gətirəcək”

Bu sözləri Axar.az-a açıqlamasında politoloq Elxan Şahinoğlu son günlər “Zaman” qəzetində sözügedən qurumun ermənilərə və onaların qondarma soyqırımına dəstək xaraketli yazıların yer almasına münasibət bildirərkən deyib. O, “camaat”ın hazırda belə bir yola qoyulmasının arxasında əslində başqa məqsədlərin dayandığını bildirib: “Gülən hərəkatı Türkiyə Prezidenti Rəcəb Təyyub Ərdoğanla toqquşsa da, “erməni soyqrımının” tanınması məsələsinə dəstək verdiyini və ya verəcəyini zənn etmirəm. Çünki bu halda Türkiyə cəmiyyətində olan-qalan dəstəyini də itirər. Gülən hərəkatının hazırda əsas məqsədi Türkiyədə iyunda keçiriləcək parlament seçkisində özünə yaxın bir blokun və ya qrupun formalaşmasıdır. Gülən hakim Ədalət və İnkişaf Partiyasını parçalamağa çalışır. Onların hazırkı situasiyada əsas planları bundan ibarətdir. Əks təqdirdə nəinki ermənilərə dəstək vermək, belə bir kompaniyanı ağıllarından belə keçirtmələri onların fəlakətli sonunu gətirə bilər. Onlar da bunun çox yaxşı fəqrindədirlər”. Xatırladaq ki, Gülənə məxsus “Zaman” qəzetinin əcnəbi yazarı Joost Lagendijk öz yazısında Türkiyə hökumətinin Çanaqqala savaşının 100 illiyi tədbirlərinin keçirilməsi haqda qərarını pisləmiş, artıq qaçacaq yer qalmadığını və 24 apreldə dünyanın dörd bir yanında insanların “erməni soyqırımı”nı xatırlayacağını bildirmişdi. pia.az