İsrail stadiona hücuma görə məsul olan “Hizbullah” komandirinin məhv edildiyini açıqlayıb
“Report” xəbər verir ki, bu barədə “Sky News” ordu mətbuat xidmətinin bəyanatına istinadən bildirib.
“Dünən, kəşfiyyat məlumatlarına əsasən, İsrail Hərbi Hava Qüvvələrinin qırıcıları Məcdəl-Şəmsdəki hücuma görə məsuliyyət daşıyan terrorçu Heydər əl-Şabianı məhv edib”, – məlumatda deyilir.
Qeyd olunur ki, Heydər əl-Şabia “Hizbullah” təşkilatında Hardov bölgəsinə komandanlıq edirdi, o həmçinin Hardov bölgəsində, Hermon dağında və şimali Colan təpələrində İMQ-nin mövqelərinə yüzlərlə raket və tankəleyhinə raket atışlarına görə məsuliyyət daşıyırdı.
“Hizbullah” İsrailin bu açıqlamasını hələlik şərh etməyib.
Xatırladaq ki, iyulun 27-də “Hizbullah” yaraqlıları Colan təpələrindəki Məcdəl-Şəms şəhərinə zərbə endiriblər, nəticədə 12 uşaq həlak olub.
Poliqon.info